Riaan 
Maphakathi nempi echichima igazi yokulawula i-Bakhmut, idolobha elinamasu empumalanga yeDonetsk, amasosha ase-Ukraine athola induduzo nenjabulo ekunakekeleni imidlwane emibili ayihlenga edolobhaneni eliphambili.
Ezimnyama nezibomvu, izingane ezimbili ezisanda kuzalwa ezingakwazi nokuma ngezinyawo zitholwe muva nje nguValeriia no-Oleksii, amasosha ophiko lweTerritorial Defense Unit olusebenza kule ndawo kusukela ngoSepthemba, ngemuva nje kokuthi iphinde yathathwa amasosha ase-Ukraine.
“Sezwa (bona) bekhala endlini ngemuva kokuthi siqale ukukhuculula, kuvele ukuthi unina ubashiyile. Sithe uma sibathola asizange sicabange kakhulu sababiza ngoRed and Black,” kusho u-Oleksii.
Ekuqaleni, imidlwane kwakudingeka idliswe ngomjovo, kodwa manje isijabulela ukudla kwezempi inyama eyisitshulu namazambane.
“Siqale ukuzondla ngezinsuku zokuqala … Umnyama, unamahloni, kuyilapho uRed egcwele yonke indawo. Uzithemba kakhulu. Uzokhula abe yinja enkulu.” Kusho u-Oleksii
U-Valeriia uthe bahlenga izilwane kuzo zonke izinkundla zempi futhi bazibeka “ezandleni ezinhle”, eziningi ziya emindenini yamanye amasosha.
Impi ye-Bakhmut manje isingena enyangeni yayo yesikhombisa, kanti izinsalela zezindawo ezigcwele amabhomu edolobha ziqhathaniswa nezinkundla zempi zeMpi Yezwe Yokuqala.
I-Bukhmut ihlezi phakathi kwamadolobha okuthiwa yi-Russian i-Lysychansk ne-Sievierodonetsk futhi bekulokhu kugxilwe kuzo izimpi ezishubile njengoba amasosha ase-Russia ezama ukubamba ingxenye enkulu yesifunda sase-Donbas.
UMnyango wezokuVikela e-United Kingdom uthe ukholelwa ukuthi amasosha aseRussia azama ukuzungeza leli dolobha ngemuva kokuthi ethuthuke ngamaqhinga enyakatho naseningizimu.
Umnyango uphinde wathi idolobha lizoba nokusebenza okulinganiselwe nokuthi “kungenzeka ukuthi ukuthunjwa kukaBakhmut sekube yinhloso yezepolitiki yaseRussia”.
