Riaan 
UBradley Grobler usondele ekushayeleni amagoli angu-100 kuPremier Soccer League emdlalweni ophele zibambene ngo 1-1 phakathi kweSuperSport United neRoyal AM.
UGrobler eshaya iRoyal AM ngesiwombe sokuqala efike elingana noPeter Shalulile weMamelodi Sundowns eshadini labashayimagoli ngamagoli ayisishiyagalolunye.
Nokho, impumelelo kaGrobler isondela eqenjini elikhethekile labadlali asebeshaye amagoli angu-100 noma ngaphezulu kuPremier Soccer League, njengoba manje usesele negoli elilodwa kuphela.
UGrobler uzongena ohlwini oluholwa nguSiyabonga Nomvethe owake wagijima ku-Orlando Pirates, Kaizer Chiefs naMaZulu namanye amaqembu. UNomvethe uhlezi esihlalweni sobukhosi 123 PSL igalela egameni lakhe.
FUNDA FUTHI: UMiddendorp udalula indlela uBobby Motaung amxoshe ngayo kuChiefs
“Bhele” ulandelwa yinkakha yeSundowns, uDaniel “Mambush” Mudau noMabhuti Khenyeza, abahlohle amahlandla angu-110 kwathi u-Emmanuel “Tico-Tico” Bucuane yena unangu-104. UCollins Mbesuma, owine isicathulo segolide seLesley Manyathela kabili, uhlohle kwabahlanu abahamba phambili ngamagoli angu-103.
Abafana bakaGavin Hunt baphule umgqigqo ngomzuzu ka-25 ngekhanda likaGrobler, ngesikhathi evala ekhona ibhola ebelibekwe kahle kuMatsatsantsa A Pitori. Abasubathi bahlehle ngegoli likaKabelo Mahlasela ukuqinisekisa ukuthi amaqembu aya ekhefini.
U-Grobler usondele ekushayeni igoli lakhe kanye nele-100 ngemuva nje kwehora, kodwa imizamo yakhe yamakwa ngokuthi u-offside ngenkathi ecofa ibhola ebelivela ku-Grant Margerman.
Shibobo
Kungakhathaleki ukuthi isimo sasinjani, iSuperSport neRoyal AM badlale umdlalo othokozisayo webhola likanobhutshuzwayo, obunondweba obuphezulu, izinselelo ezinzima ezihambisana noshibobo noma ezimbili, nokuyinto ejabulisa abalandeli ezinkundleni ezizinze KwaZulu-Natal.
AMatsatsantsa A Pitori asale endaweni yawo yesibili ku-log, nokusengashintsha nokho, kuye ngomphumela weRichards Bay neSekhukhune, eqale ngemuva nje komdlalo.
INatal Rich Boys yiyona ebigila izimanga kule sizini, njengoba iphinde yahlala endaweni yesibili izinsuku eziningi kwisizini yayo yokuqala kuDStv Premiership.
