Riaan 
IRoyal AM ihlawuliswe inhlawulo yikomidi eliqondisa izigwegwe lePremier Soccer League.
FUNDA FUTHI: U-Erasmus uvule isifuba ngokubuyela kwakhe kuPirates
Lokhu kungemuva kokuthi leli qembu elizinze KwaZulu-Natal kuDStv Premiership lihlulekile ukunikeza onompempe izinsiza ezidingekayo ukuze baxhumane komunye wemidlalo yalo muva nje.
UThwihli-Thwahla, odume ngelikaRoyal AM, ubizelwe ekomitini lokuqondisa izigwegwe eliholwa ngumshushisi wePSL uZola Majavu ngoLwesithathu.
Bekumele baphendule emacaleni okwehluleka ukunikeza onompempe izinsiza zokuxhumana ngoMashi 4.
Lokhu bekusemdlalweni wePremiership iRoyal AM enqobe ngo 2-0 ibhekene neSekhukhune United. Balivuma icala.
Unompempe ngalolu suku, u-Abongile Tom bekumele enze umsebenzi wakhe ngaphandle kwethuluzi elimvumela ukuthi axhumane nabasizi bakhe kanye nesikhulu sesine.
“Ngingakuqinisekisa ukuthi ekuqaleni kwanamuhla, iRoyal AM Football Club ivele phambi kwePSL DC izoziphendulela ngamacala okwehluleka ukuhlinzeka abaphathi bomdlalo izinsiza zokuxhumana ezifanele ababezinikezwe yiligi nangokuhambisana nemiyalelo esebenzayo,” Kusho uZola Majavu esitatimendeni esilalelwayo.
“Balivumile icala bagwetshwa ngendlela efanele. Ngemva kokulalela izethulo zokwandisa nokwehliswa kwesigwebo, i-PSL DC yabahlawulisa isamba semali engu-R50 000.
“Ingxenye yazo ilengiswa isikhathi esiyizinyanga ezingu-24 ngaphansi kombandela wokuthi ngesikhathi sokumiswa, bangaphinde batholakale benecala elifanayo.”
I-Royal AM ayizona izephula-mthetho zokuqala
“Baphinde bayalelwa ukuthi bakhokhe izindleko ze-DC okufanele, noma ngabe ikuphi, zibalwe wuphiko futhi zengezwe emalini yabo yonke ukuze bakhokhe.”
FUNDA FUTHI: ISundowns izophenya isisebenzi ngezinsolo ezibhalwe ezinkundleni zokuxhumana
Lokhu kusho ukuthi iRoyal AM kuzomele ikhokhe u-R25 000 kanye nezindleko zokuhlala kwekomiti lokuqondisa izigwegwe.
Bekungaqali iRoyal AM igila izimanga nekomiti eliqondisa izigwegwe lePSL njengoba ibilokhu izithola isohlangothini olungafanele.
Ngo-2021, batholakala benecala lokulahla umdlalo osemthethweni wePSL. Lokhu kwakungemva kokuba benqabile ukuhlanganyela kuma-play-offs okwehliselwa izembe/wokwenyuswa.
Ngaleso sikhathi iRoyal AM yayisichitha isinqumo sekomiti lokuqondisa izigwegwe elamemezela ukuthi uSekhukhune nguyena odle umhlanganiso kuNational First Division ngaphambi kwabo.
