Riaan 
IMamelodi Sundowns isimemezele ukuthi isiqale uphenyo mayelana nokuziphatha kukaKhaled Ali ongumxhumanisi wezokuvakasha.
FUNDA FUTHI: UMokoena weSundowns obheke ukuzuza kwezentengiso ngaphandle kwenkundla
Esitatimendeni, iSundowns ithe iyalele u-Ali ukuthi “abuye eSudan ayobika emahhovisi eSundowns eChloorkop ukuze atholakale ukuze kuphenywe”.
U-Ali kusolakala ukuthi uthembise ukunikeza abalandeli be-Al Ahly imininingwane ngo-Al-Hilal, amaRed Devils abahlangana naye emqhudelwaneni wokugomela noma wokufa ngenyanga ezayo.
Lokhu kwenzeke ngemuva kokuthi iSundowns ishaye i-Al Ahly ngo 5-2 emdlalweni kaGroup B weCaf Champions League eLoftus ngempelasonto edlule.
“Sekufike ezindlebeni zeMamelodi Sundowns ukuthi amazwi athile okungenzeka ukuthi isisebenzi sayo uKhaled Ali, awasho ngesikhathi kunengxoxo ezinkundleni zokuxhumana mayelana ne-Al Ahly ne-Al Hilal angase angqubuzane nokuziphatha, ukubusa kanye nemithetho yeMamelodi Sundowns,” kufunda isitatimende seSundowns ngoLwesithathu.
FUNDA FUTHI: ISundowns yezihlabani ezinhlanu yenza iRoyal AM isicashe
“IMamelodi Sundowns ibheka lezi zinsolo nokuziphatha ngendlela ebucayi futhi iqala uphenyo ngokushesha ukuze iveze amaqiniso ayiqiniso.
“UKhaled uyalelwe ukuthi abuye eSudan ayobika emahhovisi eSundowns eChloorkop azenzele khona uphenyo.
“ISundowns izonikeza eminye imininingwane ngalolu daba uma sekuphothulwe imiphumela yophenyo.”
