Riaan 
Ngemuva kokuhlulwa ngo 3-0 kowandulela owamanqamu idlala ne-Argentina, iCroatia isibuyile iziqeqeshe eDoha lapho izobhekana khona neMorocco endaweni yesithathu.
Yize umdlalo wendawo yesithathu uvame ukubhekwa njengowobungani, umgadli waseCroatia u-Andrej Kramarić, uqophe umlando. Uthe iMorocco neCroatia bazolwela indondo yethusi.
“Balwela izimpilo zabo ngoba uma uwina indondo eNdebeni yoMhlaba uba yiqhawe elingapheli ezweni lakho. Yilokho esizokwenza,” kusho lo mdlali waseCroatia esithangamini nabezindaba.
U-Luka Modric neqembu lakhe bashaywe kahle yi-Argentina ephefumulelwe uLionel Messi ngoLwesibili.
KuModric oneminyaka engu-37 ubudala, umdlalo wangoMgqibelo kungenzeka kube umdlalo wakhe wokugcina eNdebeni yoMhlaba.
Lo mdlali wasesiswini usedlale imidlalo engu-161 eqenjini lakhe kusukela aqala ukudlala ngo-2006.
Khonamanjalo, iMorocco izobe ibheke ukuphindela emuva ekuhlulweni kwayo ngo 2-0 yiFrance.
Yize behle ngo 1-0 emizuzwini yokuqala, i-Atlas Lions ilwe ngobuqhawe yanqaba ukubhakuzisa.
Besizwa abalandeli babo abebevutha bhe, baphushe ompetha ngesiwombe sesibili kodwa bagcina bengenelwe yigoli lesibili.
I-Atlas Lions kungenzeka ukuthi iphuthelwe indawo kowamanqamu kodwa izofuna ukuqeda insumansumane kule Ndebe yoMhlaba ngokuqeda umlando endaweni yesithathu.
Imidlalo yokuhlungela indawo yesithathu izoqala ngoMgqibelo.
NgeSonto, iFrance ne-Argentina bazokube bebambene phezulu ukuze kubonakale ukuthi ubani ozodla umhlanganiso ebholeni elihlonishwayo.
