Riaan 
Bekungewona umdlalo okumele ukhunjulwe kodwa iKaizer Chiefs yenze okwanele ukuthola amaphuzu amathathu nokuqhubeka nokunqoba ihlula iMaritzburg United ngo 3-2 ngoMgqibelo ebusuku.
FUNDA FUTHI: IPirates isize yafinyelela endaweni yesibili ngemuva kokuhlula iSuperSport
IMaritzburg ishaye udaka kanti izosala iwavale amaphutha ayo njengoba iqhubeka nokulwela izimpilo zayo kuDStv premiership njengoba sekusele imidlalo eyisikhombisa iphele.
Ngenhlanhla encane, iChiefs ikwazile ukuthola amaphuzu amathathu kodwa izoba nomsebenzi omningi ekhaya ukuya phambili. Isele ngamaphuzu afanayo ne-Orlando Pirates ngaphezulu kwayo.
IChiefs iphinde yawuqala umdlalo ebingawufuna ngesikhathi ihamba phambili sekusele imizuzu emithathu kuqale umdlalo.
Igoli lishaywe u-Keagan Dolly oqede umdlalo we-counter attack, ethumela umzamo wakhe wadlula u-Ricardo Leaner esuka ku-Ashley Du Preez.
Kuthe ngemuva kwemizuzu engaphezulu kwemihlanu, bahamba phambili ngo 2-0. Lokhu kwakungemva kokuba uChristian Saile ebonise ikilasi lakhe.
Lo mgadli odabuka eCongo uthole ibhola engaphandle kwebhokisi leMaritzburg, washaya umdlali wasemuva ngesikhathi ebeka ibhola kwesokunxele wathumela ishodi eliphansi enethini.
Kodwa ngemuva kwemizuzu emihlanu iMaritzburg igawulwe yigoli. UMogmad De Goede ushaye abadlali basemuva beChiefs ngekhanda ekhoneni nokwenze kwaba ngu 2-1.
Kuthe sekusele imizuzu emihlanu kuphele iMaritzburg idlale ngokulingana. U-Amadou Soukouma ushaye igoli nge-free kick ekhishwe ngobuchule ngaphandle kwebhokisi leChiefs.
Ezigabeni zokuqala zesiwombe sesibili zibe nezinxushunxushu kungekho qembu elidlala nganoma yisiphi isigqi njengoba belifuna ukugwema ukudedela amaphuzu.
IChiefs ithole iphenathi esuse umsindo ngomzuzu ka-70 ngemuva kokubhuduzelana ebhokisini leMaritzburg.
Unompempe ubebukeka engenasiqiniseko ngesinqumo sakhe njengoba ephambanise nabasizi bakhe.
Kodwa isinqumo simile futhi uYusuf Maart waliguqula ibhola wanikeza iChiefs phambili.
IChiefs ibambe njalo yize iMaritzburg iphose yonke into kuyona ngasekupheleni komdlalo.
Ukunqoba kubenza bahlale embangweni wokuqeda endaweni yesibili. IMaritzburg isahlezi ku-relegation zone.
