Riaan 
UPitso Mosimane uphakathi kwabantu abazibophezele ngokwenza konke okusemandleni ukusiza owayengumdlali weMamelodi Sundowns uKhayelihle Shozi.
FUNDA FUTHI: Ukuvimba kwamaphenathi kaWilliams kugcina iSundowns ingahlulwa
Lokhu kuza ngemuva kokuthi uShozi ebonakale ezulazula emigwaqweni yaseGauteng ebukeka njengehobo.
Ngemuva kwesithombe sakhe sakamuva esike sathrenda ezinkundleni zokuxhumana kuleli sonto, uMosimane uthe usenyusele eqenjini elikhulu kuSundowns.
“Kubuhlungu kakhulu ukubona lesi sithombe. Ukuhlanganisa kwakhe noPercy Tau bekumangalisa. Saze samnyusela eqenjini elikhulu ngaphambi kukaPercy,” kusho uMosimane kuTwitter.
Engxoxweni abe nayo neSABC Radio, uMosimane kuthiwa uzibophezele ukuthi uzongena azosiza lapho engasiza khona.
Umfowabo kaShozi owaziwa ngelikaShwi Shozi ukuqinisekisile ukuthi uPitso uzibophezele ukuthi uzomeseka.
“Engikushoyo ukuthi ngikuzwile okushiwo umqeqeshi uPitso. Kungithokozise kakhulu yingakho ngilapha ukuzokhuluma ngoKhayelihle,” kusho uShwi exoxa noKhozi FM ngoLwesine.
“Sekunesikhathi elokhu ekuleso simo. Kodwa okuzokwenzeka manje wukuthi uPisto ufuna ukumsiza.
“Umthembise ukuthi uzomenzela izinto ezithile uma esetholakele futhi wasizwa ukuthi aphume kulesi simo akuso.”
‘MaShozi akathole usizo ngokuthula’
NoMnyango wezeMidlalo KwaZulu-Natal nawo uzibophezele ekutholeni uShozi usizo aludingayo ukuze alungiswe.
FUNDA FUTHI: IPirates, iChiefs inyusa amathuba okuhlungela ukungena e-Afrika
Lokhu kuvezwe nguKwenzakwakhe Ngwenya weSafa KZN kuwo lo msakazo.
“Kumele simbonge uPitso ngokukhombisa ukuthi ungumuntu wangempela webhola yingakho ekusukumele lokhu.
“Singusoseshini eKZN silusukumele lolu daba ngoba sinomnyango wezemidlalo eKZN futhi uzibophezele ukusiza noma yikuphi lapho ungasiza khona.
“Uzoyiswa endaweni ephephile. Sifuna asizwe abuyele esimweni sakhe esejwayelekile.”
UNgwenya uphinde wanxusa abezindaba nabalandeli ukuthi bamnike ikhefu uShozi ngesikhathi esathola usizo.
“Ngicela abezindaba ukuthi bangalunaki kakhulu lolu daba ngesikhathi esalungiswa. Indaba yakhe ingakhulunywa uma esefike kahle.”
